HATAW! D'yaryo ng Bayan hatawtabloid.com
MADIDISKAREL muli ang matagal nang inaasahan ng boxing fans ang paghaharap nina Kazuto Ioka at Roman ‘Chocolatito’ Gonzales sa isang superfight.
Noong Biyernes ay nagbigay ng utos ang World Boxing Organization (WBO) kay four-division at kasalukuyang junior bantamweight champion Ioka na harapin niya sa susunod niyang laban ang mandatory challenger at dating four-divison titleholder Donnie “Ahas” Nietes.
Ang dalawang panig ay binibigyan ng 30 days para makabuo ng usapan at maiwasan na rin ang ‘purse bid hearing.’
“Please be advised that the WBO World Championship Committee is hereby ordering the commencement of negotiations for the subject matter bout,” pahayag ni Luis Batista-Salas, chairman of the WBO Championship committee sa kanyang liham na natanggap ng dalawang kampo. “The parties herein have thirty (30) days upon issuance of this letter to negotiate and reach an agreement accordingly.
“If an accord is not reached within the time frame set forth herein, purse bid proceedings will be called per WBO Regulations of World Championship Contests.”
Ang laban ay dapat na mangyari at magsisilbing rematch ng dalawang boxers sa kanilang naging unang laban noong New Year’s Eve 2018 vacant title fight na kung saan ay nanalo si Nietes via split decision na ginanap sa Macao, China.
Si Ioka ang kauna-unahang Japanese boxer na nanalo ng apat na titulo pagkaraang talunin niya si Palicte via 10th-round KO noong Nune 2019.
Apat na matagumpay na depensa ang sumunod na laban ni Ioka na puro mandatory fights. Tinalo niya si top-ranked contenders Jyvier Cintron, Kosei Tanaka at Francisco ‘Chihuas’ Rodriguez Jr ayon sa pagkakasunod. Ang huling tatlong labang iyon ay minando ng WBO.
Ang mandatory title status ni Nietes ay nananatiling isang malaking katanungan dahil ang 39-year-old Pinoy boxer ay dalawang beses lang umakyat sa ring pagkaraang talunin niya si Ioka. Muli lang siyang lumaban pagkaraan ng 27 na buwang pamamahinga laban kay Pablo Carrillo noong Abril 3 sa Dubai. Ang laban niya ay kauna-unahan pagkaraang pumirma siya ng kontrata sa D4G Promotions, affiliated sa MTK promotional outfit na ipinasa naman siya sa Probellum.
