Aiko at VG Jay gumagawa ng oras para magkita   

SHOWBIZ KONEK
ni Maricris Valdez Nicasio

NAKABIBILIBang pagmamahal ni Vice Governor Jay Khonghun ng Zambaleskay Aiko Melendez dahil pinuntahan niya ito sa grand rally noong Marso 26, 2022 Sabado sa Quezon City.

Abala rin kasi si VG Jay sa pangangampanya sa Zambales dahil tumatakbo itong kongresista sa 1st District ng Zambales pero binigyan niya ng oras ang kasintahan para sorpresahin ito na tumatakbo namang konsehal ng District 5 sa Quezon City.

“Eh, baka magtampo sa akin, eh,” nangingiting kuwento ni Jay nang makausap namin ito kinabukasan sa White Rock, Subic, Zambales. “Kasi siyempre, ako ang number one supporter niya ganoon din naman siya. Kasi, umuuwi ‘yan dito para ikampanya ako.

“So siyempre, support lang kaming dalawa. Nagpunta ako kagabi kasi big event niya.

“Nagpunta rin sina Ate Yayo (Aguila), Gelli (de Belen), Wendell (Ramos,” kuwento ni VG Jay.

Sinabi pa ni VG Jay na hindi isyu na pareho silang tumatakbo ngayon ni Aiko. 

“Kasi, we have our own career talaga na we are two separate individuals.

“Na very opinionated and everything. May kanya-kanya kaming career na kailangan naming harapin, alagaan.”

Sinabi pa ni VG Jay na, “She loves Quezon City District 5 so much. I love Zambales, and the first district of Zambales and Olongapo City so much.

“‘Yung career naman naming dalawa, hindi naman dependent sa isa’t isa, but nagtutulungan kami.”

Hindi rin hadlang sa kanilang relasyon ang pagkakalayo nila. Si VG Jay ay nasa Zambales at si Aiko naman ay nasa QC. 

“Siyempre, ‘yung trust sa isa’t isa, marami siyang nakikilala every day. Marami rin akong nakikilala every day. Pero siyempre, as time goes by, ‘yung trust namin sa isa’t isa, ‘yun ang importante. Alam ko na wala siyang gagawin na mao-offend ako, or masasaktan ako.

“At alam din niya na wala rin naman akong gagawin para ma-offend siya o saktan siya.”

Samantala tiniyak ni VG Jay na makababalik ang ABS-CBN.  Pero dedepende ito kung sino ang magwawaging Pangulo sa eleksiyon.

Ani VG Jay, tiyak na isa sa pinakamainit na usapin pagkatapos ng halalan sa Mayo ang pagbabalik ng ABS-CBN. “It can be readily available depende kung sino ang mananalo,” sambit ni VG Jay.

Sinabi pa nitong maging si Aiko ay supporter ng ABS-CBN. “Kahit noong nasa kabila (GMA7) siya. Kasi nga, ano siya eh, nagke-care siya sa mga empledo ng ABS-CBN, marami siyang kaibigan, nabigayn ng trabaho, nabigyan ng break, at saka ‘yung love niya sa industriya. lalo na nagkakasabay-sabay ngayong pandemic, chain reaction ‘yan.”