HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
MATUTUPAD na sa wakas ang matagal nang inaasam-asam ng singer na si Zephanie Dimaranan ngayong parte na siya ng Sparkle ng GMA.
Pag-amin ng 19 year old Idol of the Philippines champion, “Acting is in my bucketlist.”
Sinabi pa ni Zephanie na handa na siyang bumuo ng bagong relasyon at gumawa ng bagong adventures sa bago niyang tahanan, ang GMA.
“I started [my career] on GMA,” pag-amin nito. “Acting po kasi we thought it was a singing contest, ‘yun pala teleserye siya about singing contests. But isa po ako sa mga napili roon.”
Ang tinutukoy ni Zephanie ay ang GMA soap na Biritera na nag-audition siya noong siyam na taong gulang pa lamang sa paniniwalang isa iyong singing contest noong 2012.
At sa pagbabalik niya sa Kapuso gusto niyang makatrabaho sina Julie Anne San Jose, Lani Misalucha, Mark Bautista, at Christian Bautista.
Excited naman siyang maka-eksena sina Jhake Vargas at Derrick Monasterio kapag nabigyan na siya ng pagkakataong makagawa ng serye.
“Masaya ako sa bagong chapter. I’m really excited to be back on stage,” excited na kuwento nito.
“This is where I want to grow,” sambit niya at iginiit na gusto niyang malinya sa mga drama o iyong teen romance genre.
Bagamat gusto niyang makagawa ng teen romance hindi iyon nangangahulugang handa na siyang magmahal o magka-boyfriend.
Aniya, “Kung ibibigay ni Lord, pero mas gusto kong mag-focus muna sa career ko.”
Sakaling magkaroon siya ng oras sa love, hanap niya ang matangkad at moreno at “May dating ‘pag kumakanta siya, lalo na kung OPM o kundiman, iba talaga ang dating.”
Pormal namang winelcome ni Gigi Lara, GMA Senior Assistant Vice President for Alternative Productions at ni Johnny Manahan ng Sparkle si Zephanie sa Kapuso Network.
“We are very happy to welcome Zephanie to the Sparkle family. She will be singing the summer theme for Sparkle so we hope everyone will watch out for that! Her Kapuso family is also excitedto welcome Zephanie in ‘All Out Sundays’ this Sunday. We really want to harness the powerhousetalent of Zephanie, to watch her grow as an artist, and to see her in more programs and projectsin GMA,” ani Gigi.
“We are excited, Zephanie will shine even more with our new partnership with Sparkle. Looking forward to new possibilities and platforms where Zephanie can showcase her talents,” sambit naman ni Jeff Vadillo, Cornerstone’s Vice President.
