HATAW! D'yaryo ng Bayan hatawtabloid.com
SA pamamagitan ng kanyang show na Wowowin: Tutok Para Manalo, na napapanood sa Youtube at Facebok, nagsalita na si Willie Revillame tungko sa isyu sa kanya na pinagsisisihan na raw niya ngayon ang paglayas sa GMA 7 para pamunuan ang Advanced Media Broadcasting System Inc. (AMBS), na pagmamay-ari ni Sen. Manny Villar.
Balitang si Willie raw ang magpapatakbo nito kapag nagsimula na itong mag-operate.
Sabi ni Willie, “Hindi ko na papatulan ang mga negative. Kung nakakabasa kayo ng fake news, huwag na lang pansinin ‘yan, naku, mahirap na lang magsalita.
“Hindi ako naaapektuhan diyan, whatever you say, alam namin kung ano ang totoo, ang programang ito ay gumagawa ng paraan para makatulong sa mga kababayan.”
Pakiusap pa niya sa publiko, “At saka huwag niyo ako isusulat sa bilyonaryo. Hindi ako bilyonaryo. Hindi ako businessman na bilyonaryo. Simple lang po ako, masinop lamang ako sa buhay.
“Last week may mga lumalabas sa diyaryo, sa mga bilyonaryo na news diyan. Dapat reliable ang source niyo, kasi napi-fake news kayo.
“Sayang lang ‘yung news niyo, isulat niyo ako nang isulat, kahit anong sabihin niyo sa akin, masama, walanghiya, wala sa akin ‘yan.
“Basta alam ng Diyos, alam ng aking mga nakakasama kung ano ang pagkatao ko at kung ano ang totoo. ‘Di ba, yun ang importante?” aniya pa.
𝙍𝙤𝙢𝙢𝙚𝙡 𝙋𝙡𝙖𝙘𝙚𝙣𝙩𝙚
