HATAW! D'yaryo ng Bayan hatawtabloid.com
IBINAHAGI ni Barbie Forteza ang isang personal achievement niya, ang pagmamaneho. Marunong na kasing magmaneho ang 24-year-old Kapuso Primetime Princess matapos mag-enroll sa isang kilalang driving school.
“I feel more independent and nararamdaman ko na talagang tumatanda na ako. Hindi na kailangan palaging nandiyan ang daddy ko para ipag-drive ako. Siyempre may times na dapat ako na lang mag-isa, kaya ko naman,”aniya.
Nagsisimula palang siyang magmaneho pero nais niyang maranasan ang isang solo drive patungong Tagaytay.
“Siguro ‘yung pinaka-realistic na gusto kong mapuntahan na ako ang mag-drive, Tagaytay. Gustong gusto kong pumunta roon–food trip tapos maganda ‘yung weather,” bahagi ni Barbie.
“Sana hindi ako antukin. Sana hindi traffic. ‘Yun lang naman,” pabirong dagdag ng aktres.
Bukod sa pag-aaral at pagpa-practice ng kanyang driving skills, naglalaan muna si Barbie ngayon ng oras para sa kanyang sarili at kanyang pamilya bago sumabak muli sa isang serye.
“For now, I will spend some time with my family again. Also with myself, na-enjoy ko ang ‘me time’ ko ngayon. But every now and then, yes, may work pa rin naman. You still see me sa ‘All Out Sundays,’” ani Barbie.
Mapapanood din si Barbie sa bagong episode ng Magpakailanman, ang Bipolar Mom sa Sabado, 8:00 p.m., April 2, sa GMA. May hashtag itong #MPKBipolarMom na gaganap na ina ni Barbie si Jackielou Blanco.
𝘙𝘰𝘮𝘮𝘦𝘭 𝘎𝘰𝘯𝘻𝘢𝘭𝘦𝘴
