Roel Esquillo sasargo sa 1^ST  Maestro Mistica Custom Cues 10 Ball Open Tournament

NAKATAKDANG ipamalas ni Roel Esquillo ang kanyang husay sa pagsargo sa First Maestro Mistica Custom Cues 10 Ball Open Tournament sa Abril 1 hanggang 3, 2022 na gaganapin sa 3rd floor Bowling and Billiards, Sta. Lucia Mall sa Cainta, Rizal.

“I hope to do well in the upcoming First Maestro Mistica Custom Cues 10 Ball Open Tournament ,” sabi ni Esquillo na maraming beses nang nagkampen sa Japan.

“I will pour all that I know in the cue sports,” ani pa Esquillo.

Ang iba pang masisilayan sa susunod na buwan ay sina Jerico Banares, Mark Mendoza, Raymund Faraon , AJ Manas, Manalo Tanasas, Alex Lumpay, Kenneth Arpilleda, Patrick Gonzales, Jonas Reyes, Julius Orcollo, Erlindo Doria, John Salazar at Bernie Regalario.

Tatanggap ang magkakampeon ng P40,000 plus Maestro Mistica Custom Cues. Nakalaan sa second placer ang P20,000, sa third P10,000, sa fourth P10,000, sa  fifth P5,000, sa sixth P5,000, sa seventh P5,000 at eight P5,000.

Ang race-to-7 double elimination format ay suportado ni Jyre Dominic Obligacion sa pakikipagtulungan nina Games and Amusements Board, Edgar Acaba, Joel Estella Calzado at Ramon “Maestro” Mistica.

-Marlon Bernardino-