Jonas Magpantay naghari sa 1st IMBA’s Place Taguig 10-Ball Open Tournament

MANILA—Pinagharian ni Jonas Magpantay ang  1st IMBA’s Place Taguig 10-Ball Open Tournament  nung Huwebes ng gabi, Marso 24, 2022 na ginanap sa IMBA’s Place Billiard Hall sa Taguig City.

Ang top player ng Bansud, Oriental Mindoro na si Magpantay na ang moniker ay “The Silent Killer” ay nagbulsa ng top prize P70,000 matapos talunin si Paolo Gallito  na may score na 11-6 sa finals. Natanggap ni Gallito ang P30,000 para sa runner-up place.

Nakapasok si Magpantay sa Finals matapos niyang talunin sina Jerico Banares, 9-6, sa Quarter Finals Match at Jason Sentillas, 9-5, sa Semifinals.

Habang kinakailangan namang talunin ni Gallito  sina Dennis Orcollo, 9-4, at  Angelo Ariola , 9-5, para makapuwersa ng titular showdown kay Magpantay.

-Marlon Bernardino-