HATAW! D'yaryo ng Bayan hatawtabloid.com
IDINEKLARA ang tatlong munisipalidad sa lalawigan ng Zambales bilang ‘areas of immediate concern’ kaugnay sa papalapit na pambansa at lokal na eleksiyon sa Mayo.
Ayon kay P/Col. Fitz Macariola, Zambales PPO provincial director, ito ang mga bayan ng Botolan, San Felipe, at San Marcelino.
Tinukoy ni Macariola ang isang insidente ng harassment na naganap noong Hunyo 2017 kaya naisama ang bayan ng Botolan sa mga lugar na kanilang babantayan.
Samantala, ang pananambang sa dating alkaldeng si Carolyn Fariñas nong Setyembre ang dahilan ng pagkakabilang ng bayan ng San Felipe para bantayan.
Si Fariñas ay muling kumakandidatong alkalde sa darating na halalan sa 9 Mayo.
Idinagdag rin ang bayan ng San Marcelino sa ‘areas of concern’ dahil sa enkuwentrong naganap dito noong Agosto 2020.
