Dagdag presyo sa petrolyo humirit pa

MAGPAPATUPAD muli ng dagdag presyo sa produktong petrolyo ang ilang kompanya ng langis sa bansa.

Sa abiso ng Total Philippines epektibo ito dakong 6:00 am, tataas ng P03.40 sentimos ang gasoline, at P08.65 sentimos sa diesel, habang ang Cleanfuel epektibo ng 8:00 am ipapatupad ang P03.40 sentimos sa kada litro ng gasolina at P08.65 sentimos ang itataas sa presyo ng diesel.

Nasa P09.40 sentimos ang dagdag ng presyo sa kanilang produktong petrolyo ng Pilipinas Shell at Seaoil sa Kerosene habang ang Petrogazz, Cleanfuel at Total ay walang Kerosene.

Inaasahang mag-aanunsiyo ng dagdag presyo sa produktong petrolyo ang Petron Corporation at PTT at ilang kompanya ng langis sa bansa sa kahalintulad na halaga.

Ang paggalaw sa presyo ng produktong petrolyo ay bunsod umano ng pagalaw nito sa presyohan sa pangdaidigang pamilihan dahil sa hindi pa nareresolbang banggaan o alitan ng Ukraine at Russia.

(GINA GARCIA)