HATAW! D'yaryo ng Bayan hatawtabloid.com
ALAM MO NA!
ni Nonie Nicasio
ANG veteran actress na si Melissa Mendez ay bahagi ng pelikulang Biyak na tinatampukan nina Angelica Cervantes, Albie Casiño, Quinn Carrillo, at Vance Larena.
Mula sa 3:16 Media Network ni Ms. Len Carrillo, kasama rin sa pelikula sina Jim Pebanco at Maureen Mauricio.
Ito’y pinamamahalaan ng award-winning direktor na si Joel Lamangan at sa panulat ni Troy Espiritu. Ayon kay Ms. Melissa, twenty years na raw yata nang huli niyang nakatrabaho si Direk Joel.
Inusisa namin ang role niya sa Biyak?
Lahad ng aktres, “Ako si Dina, ang asawa ni Tony (Jim) na battered housewife at nanay ni Violet (Angelica).”
“Matagal ko nang hindi nakakasama si Direk Joel, kaya talagang excited na excited ako na nandito ako ngayon at kasama ko ang one of the best directors natin ngayon.”
Bakit bihira siyang gumawa ng pelikula ngayon?
Esplika ni Ms. Melissa, “Lately, puro TV ang pinagkaka-abalahan ko. Mas doon ako nalinya.
“Pero actually may ginawa ako sa Regal na pelikula ngayon, ang title ay Cheat Day… Ito ay directed by Joey Reyes, na ang bida ay sina Alexa Miro at Derrick Monasterio.”
Dito’y nabanggit din ng aktres na si Direk Joel ay isang mahusay na director at talagang focus pagdating sa trabaho.
Aniya, “Mahusay na director si direk Joel. Masaya siyang kasama, pero pagdating sa trabaho, kailangan na ready for take ka na kapag dumating sa set.”
Ano ang masasabi niyang sikreto ng kanyang longevity sa mundo ng showbiz?
“Professionalism, husay, at maging magaang kasama ng cast, crew at staff,” matipid na wika pa ni Ms. Melissa.
