Friday , May 27 2022
UV Express Van Accident QC

12 sugatan sugatan
LADY GRAPHIC ARTIST PATAY SA BUMALIKTAD NA UV EXPRESS VAN

PATAY ang isang babaeng graphic/layout artist ng pahayagang Daily Tribune, habang 12 ang sugatan nang bumangga, tumagilid, at nagpaikot-ikot ang sinasakyan nilang UV Express van sa Quezon City, nitong Martes ng gabi.

Patay agad ang pasaherong si Aurora Bulan, nasa hustong gulang, empleyado ng pahayagang Daily Tribune, residente sa Natividad St., San Francisco Del Monte, Quezon City.

Dinala sa Quirino Memorial Medical Center ang iba pang pasahero, kinilalang sina Marian Hernandez, Joseph Erlano, Princess Diane Agohayon, Daisy Mislang, Armie Villarias, Rigelyn Rado, Aileen Joy Agiumatang, Gizelle Marie Hernandez, Reynon Carlos Magallanes, Sandralyn Deuna, at Jona dela Paz, pawang taga-Rizal.

Sugatan rin at ginagamot ang driver ng UV Express na kinilalang si Rhodium Cadiz, ng Block 14, Lot 25, Phase 1, Eastwood Residence, Brgy. San Isidro, Rodriguez, Rizal.

Batay sa ulat ni P/CMSgt. Norlan Margallo ng Quezon City Police District (QCPD) – Traffic Sector 3, dakong 11:26 pm nitong 23 Marso, nang maganap ang insidente sa P. Tuazon Blvd., kanto ng Kalantiaw St., sa Brgy. Bagumbuhay, Project 4, Quezon City.

Makikita sa kuha ng CCTV, mabilis ang takbo ng van, may plakang NAL-7253, habang binabaybay ang kahabaan ng P. Tuazon Blvd., mula EDSA, patungong Katipunan Avenue.

Pagsapit sa lugar nmg insidente, biglang nawalan ng kontrol ang driver sa sasakyan hanggang bumangga ito sa isang puno at gate ng bahay, bago tuluyang tumagilid at saka nagpaikot-ikot.

Makikitang tumilapon ang isang pasahero mula sa van at gumapang sa kalsada.

Maya-maya pa ay nagsilabasan na ang mga pasahero mula sa bintana ng van, habang nagtakbuhan ang mga residente para magresponde at tumulong na maisugod ang mga pasahero sa pagamutan.

Wasak ang harapan ng van at basag din ang windshield, mga salamin at bintana nito.

Ayon sa mga pasahero, kagagaling lang van sa terminal sa Cubao at papunta ng Rodriguez (Montalban), Rizal nang maganap ang insidente. (ALMAR DANGUILAN)

About Almar Danguilan

Check Also

riding in tandem dead

Sa Tuao, Cagayan
BARANGAY CHAIR TODAS SA TANDEM

PATAY ang isang barangay chairman na sakay ng kanyang motorsiklo nang barilin ng hindi kilalang …

explode grenade

Sa San Ildefonso, Bulacan,
BAHAY NG KAPITAN HINAGISAN NG GRANADA

NAWASAK ng shrapnel mula sa inihagis na granada ang ilalim ng pick-up truck, pag-aari ng …

Bulacan Police PNP

6 MWPs sa Bulacan isa-isang naihoyo 

ISA-ISANG nahulog sa kamay ng batas ang anim na kalalakihang pinaghahanap ng batas at sinasabing …

rape

Call center agent na katagay hinalay
TEACHER ARESTADO

NADAKIP ng mga awtoridad ang isang lalaking guro matapos ireklamo ng panghahalay sa isang dalagang …

road traffic accident

Nasipa ng baka
RIDER NASAGASAAN NG TRUCK, PATAY

ISANG rider ang binawian ng buhay nang masagasaan ng isang truck matapos masipa ang kaniyang …