HATAW! D'yaryo ng Bayan hatawtabloid.com
ALAM MO NA!
ni Nonie Nicasio
SPEAKING of Biyak, ito ang first movie ng veteran actress na si Maureen Mauricio mula nang nagkaroon ng pandemic, two years ago.
Ayon sa aktres, mula raw nang nagka-pandemic ay halos hindi na siya lumabas ng bahay dahil sa sobrang takot sa covid. Although may mga offer na proyekto, hindi raw niya ito matanggap dahil takot siyang lumabas ng bahay.
Esplika ni Ms. Maureen, “Kaya sabi ko, after ng pandemic or kapag humupa na ito, promise na mag-work na ulit ako. Kaya nang i-offer sa akin ang role bilang nanay ng dalawang bidang female actress dito sa pelikulang Biyak, tinanggap ko na, lalo pa po at under kay direk Joel Lamangan ang movie.”
Ang Biyak ay hatid ng 3:16 Media Network ni Ms. Len Carrillo, tampok sa pelikula sina Angelica Cervantes, Albie Casiño, Quinn Carrillo, at Vance Larena. Bahagi rin dito sina Jim Pebanco at Melissa Mendez.
Gumaganap si Maureen sa pelikulang ito bilang si Tess, isang dating hospitality girl na nagkaroon ng dalawang anak na babae mula sa magkaibang tatay. Ngunit dahil sa kahirapan, ipinamigay niya ang kanyang bunsong anak sa ampunan. Nang nabiyuda at tumanda na siya, ang tanging nais niya lang ay makitang muli ang kanyang bunsong anak.
Ibinahagi rin ni Ms. Maureen na wish niyang maging tuloy-tuloy na this time ang pagiging active ulit sa showbiz at magkaroon din ng teleserye.
Aniya, “Ang last movie na nagawa ko, indie film. Early January 2020 iyon, under direk Will Fredo, ito yung Siil ni Teresa Loyzaga. Then nakapag-MMK pa ako. Pero yun na nga, March 2020 ay ayan na ang pandemic, kaya nag-stop ulit akong mag-work.”
Wika pa ni Ms. Maureen, “Yes wish ko na makabalik ako sa industriya nang tuloy-tuloy na, sa pelikula at teleserye, na love na love ko talaga.”
Ano’ng impression niya sa apat na bida sa Biyak? “Feeling ko ay magagaling silang aktor at propesyonal. Siyempre kapag sinabing ang direktor ay Joel Lamangan, sigurado na magagaling, hahaha!” Nakatawang saad pa niya.
