Angelica Panganiban kinompirma ang pagbubuntis

INAMIN ng magkasintahang Angelica Panganiban at Gregg Homan na buntis nga ang aktres. Ginawa nila ang pag-amin sa Instagram account ng aktres na ibinando nila ang video ng ultrasound at printed copy ng sanggol na nasa sinapupunan ni Angge.

Ibinahagi nina Angelica at Gregg ang balita sa pamamagitan ng Instagram ng aktres ipinakita ang picture ng ultrasound at printed copy na nasa bote habang nasa tabing dagat at nasa likuran sila.

Caption nila sa IG post, “Ay! Na post!!!

“Sa wakas!!! Magagampanan ko na rin ang pinakahihintay, at pinaka-importanteng papel ng buhay ko. Magiging ganap na INA na po ako.

“Opo, may matres ako mga baklaaah! Ipagpapasalamat ko na rin ang mga kapamilya, kaibigan, at mga marites na sumuporta, nagdiwang, nagdasal at patuloy na nagdadasal para sa pamilya namin. Waaaaaah! Huhuhu may pamilya na ko kaiyaq pramis,” ang excited na pahayag ng aktres.

March 6, 2022 unang umugong ang balitang buntis si Angelica kasunod ang get-together ng magkakaibigang, Angelica, Anne Curtis, Dimples Romana, Bea Alonzo, at Angel Locsin na sinasabing isa sa mga unang binalitaan ng una ukol sa kanyang kalagayan. (MVN)