HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
PINAKA-KWALIPIKADO para maging pangulo si Presidential candidate Ping Lacson para sa batikang broadcaster na si Anthony “Ka Tunying” Taberna.
Sinabi ito ni Ka Tunying sa isang vlog entry niya nang pag-usapan ang tungkol sa resulta ng survey. At dito nga niya rin nasabi na hindi dapat mawalan ng pag-asa ang ibang kandidato at fight lang.
Hanggang sa matalakay na rin niya ang proposal noon ni Sen. Lacson tungkol sa formula sana para magkaroon ng isang kandidato ang oposisyon sa panguluhang halalan. J
Ito ‘yung proposal ni Lacson na magpa-file ng candidacy ang mga gustong tumakbong presidente. Pero sa isang partikular na panahon, kung ang kandidatong lilitaw na mas mababa sa survey, aatras sila at susuportahan na ang kasama sa usapan na pinakamataas ang survey sa kanila.
Kaya lamang tinanggihan agad ang mungkahing ito ni Lacson ng isang kandidato, ani Ka Tunying. Dito na rin nasabi ng broadcaster na si Lacson ang pinaka-kwalipikadong maging presidente ng bansa sa lahat ng tumatakbong pangulo ngayon.
“Kahit ako i-bash ninyo. Sasabihin ko [ito], sa mga kandidato ngayon sa pagkapangulo, kung qualification ang pag-uusapan, I think Senator Ping Lacson is the most qualified,” deklara niya.
“Pagdating sa karanasan, magmula pa noong plebo hanggang sa ngayon. Siyempre baka magkaiba tayo ng opinyon doon,” sambit pa ni Ka Tunying.
Ang matagal na karanasan nina Lacson at ng bise presidente niyang si Senate President Tito Sotto, na kombinasyon ng 80 taon sa public service ang iniaalok nila sa mga botante.
Nang tanungin nga noon sa isang interview si Lacson kung bakit siya ang dapat na ibotong pangulo, ang sagot ng senador, “I’m most qualified, most competent and most experienced.”
