Alma Concepcion happy na nakasama ang anak sa birthday nito

PABONGGAHAN
ni Glen P. Sibonga

MASAYA ang Beautederm ambassador na si Alma Concepcion dahil nakasama niya ang anak na si Cobie Punosa birthday nito noong March 16.

Naka-sem break si Cobie sa school kaya nasa Pilipinas. Sa Fordham University’s Gabelli School of Business sa New York siya nag-aaral.

Very proud nga si Alma kay Cobie dahil tumanggap ang anak ng certificate of recognition nang mapabilang sa dean’s list sa nakaraang semester.

Naka-chat namin sa Messenger si Alma at hiningan namin siya ng birthday message para kay Cobie.

“My birthday wish for Cobie ay magpakatatag sya kasi last year na niya sa college. Simula na ng paglaban sa buhay. Deep faith, good health, peace, and contentment. Continue keeping a habit of striving for excellence,” ani Alma.

Samantala, busy sa sunod-sunod na proyekto si Alma. Nagte-taping siya para sa mga seryeng False Positive at Lolong ng GMA-7. May upcoming movie rin siyang isu-shoot.

Natanong pa namin siya kung paano na ang Beautederm business niya kapag busy siya sa tapings at shootings.

“Natututukan ko pa rin ang Beautederm store ko daily kasi by online naman ang ibang orders. Sa mga walk in naman bukas siya daily except sundays sa 59 Xavierville Avenue, Quezon City (10 am-6pm). Nasanay na rin ako sa online selling ko ng Beautederm since 2011. Kaya kahit saan, kahit nagsu-shoot ako ay natututukan ko ang mga client in between takes at sa mga free time. Time management lang talga at dedication,” paliwanag ni Alma.