Jolina ipinagmalaki ang regalong natanggap kay Regine

PABONGGAHAN
ni Glen P. Sibonga

IBINIDA ni Jolina Magdangal sa kanyang Instagram ang regalong mamahaling sapatos na natanggap niya kay Regine Velasquez.

Ayon sa caption ng IG post ni Jolina, “Share ko lang… May isang taong very generous. ‘Pag nakita n’ya na bagay sa taong ito kung anumang gamit meron s’ya, binibigay n’ya. At isa na nga ang mga super gaganda at branded shoes n’ya. May mga kaibigan ako na nabigyan na nya ng shoes kasi magka-size sila. Pare pareho silang size 6. Kaya sabi ko.. naku malabo na ako kasi 4 1/2 ako (hahaha! Manika lang),” paunang pagbabahagi ni Magdangal.

“PERO!!!!! Totoo nga ang kasabihang ‘Never lose hope.’ Nung isang araw, pasuot na s’ya ng napakaganda n’yang sapatos, biglang sabi n’ya sa ‘kin, ‘Sukat mo nga Jolens.’ Bigla akong kinabahan, kaya dinahan-dahan ko ang pagsuot ng sapatos na parang nung sinusuot ‘yung glass shoes ni Cinderella, at ang naiisip ko… ‘ito na yata ang moment ko’ 

“KUMASYA! Fit na fit! At narinig ko nga ang matamis na, ‘sige sa ‘yo na.’ Muntik ako mapakanta ng ‘This is the Moment’ ni Erik Santos. 

“To my fairy godmother (at fairy godmother ng karamihan) Ate @reginevalcasid, maraming salamat! ‘Di ako makapaniwala na may nagkasya sa ‘kin na shoes mo kaya nilagay ko s’ya sa side table ko. Hahahahaha! I love you Ate!!! Isusuot ko ba o ipapa-glass box frame ko?”

Si Regine ang kasalukuyang special co-hosts nina Jolina at Melai Cantiveros sa Magandang Buhay.