HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
NA-‘PINK’ NEWS, este fake news pala ang Kapuso Comedy Concert Queen na si AiAi delas Alas nang palabasin na supporter siya ni Vice President Leni Robredo.
Sa lumabas kasing picture sa social media, kasama ang litrato ni AiAi sa hanay ng mga celebrity na nakasuot ng pink at pinalabas nga na ang comedy actress ay for Leni.
Pero hindi ‘yan pinalampas ng actress-singer at nag-post siya sa Instagram para pabulaanan ang paglilinya sa kanyang pinklawan o kakampink.
Sabi ni AiAi, “Utang na loob NANAHIMIK AKO wag nyo akong masali sali sa mga ganito .. tahimik buhay ko .. lahat na lang .. huy !!!!.”
Paliwanag ni Ai Ai, ang picture ay kuha noong ginawa niya ang pelikulang Ang Tanging Ina bilang si Ina Montecillo .
“Kung sino ka man na gumagawa ng m4a ganitong ka cheapan … pls hindi po ako vp LENI supporter,” sabi pa ni AiAi.
Kaya naman marami ngayon ang nagtatanong kung ang ibang celebrity na nasa picture ay totoong kakampink o deadma na lang kahit magamit sa propaganda?
Hindi ito ang unang pagkakataon na ginamit ang mga artista para sabihing supporter ni VP Leni. Naunang ginawan ng ganito ang Pinoy Henyo Master na si Eat Bulaga Dabarkads Joey de Leon na na-pink este fake news din nang i-edit ang larawan niya at palabasin ding supporter ni VP Rodredo.
Kaya nag-post din agad si Joey nang paglilinaw at nanindigan na ang suporta niya ay nasa tambalang Ping Lacsonat Tito Sotto. Ibig sabihin, KAKAMPING si Joey.
