HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
HINDI pa rin tapos ang usapin ukol sa tunay na dahilan ng hiwalayang Tom Rodriguez at Carla Abellana. Matapos madamay ng beauty queen turned actress na si Kelley Day at ni Lovi Poe, si Meg Imperial naman ang pinagpipiyestahan ng mga Marites.
Nauna nang idinenay nina Lovi at Kelly ang pag-uugnay sa kanila kay Tom. Parehong nakatrabaho ni Tom ang dalawang aktres sa mga serye sa GMA 7. At tulad ng dalawa, katrabaho rin ng aktor si Meg sa pelikulang The Last Five Years.
Alam ni Meg na may pinagdaraanan si Tom at alam din niyang iniuugnay siya rito. kaya naman mabilis niyang nilinaw ang mga bagay-bagay.
Aniya sa isang interbyu, “I have been friends with them, pareho, constant naman ‘yung communication with both of them since they are both part niyong platform that I have mentioned to you before, so roon lang ‘yung naging focus ko.”
At kung hindi makapag-promote si Tom ng kanilang pelikula, okey din lang kay Meg.
“Naintindihan ko naman kung ano ‘yung pinagdaraanan nila. I love this film, so wala naman sa akin kung i-promote ko ito ng ako lang,” ani Megsapanayam.
