HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
KUMALAT sa social media ang litrato nina Diego Loyzaga at Barbie Imperial na magkasama sa isang restoran sa Pasig kamakailan. Kaya naman kasunod nito’y ang pagtatanong ng mga Marites kung nagkabalikan na ang dalawa?
Unang nakita ang litrato nina Diego at Barbie ba magkatabi kasama ang isang non-showbiz sa isang post sa Facebook. Sa caption ng picture, sinasabing may endorsement ang binata ni Teresa Loyzaga.
After ng unang post, inirepost ito kaya muli marami ang nagtanong kung nagkabalikan na ang dalawa at kung bago uli ang picture na iyon.
Marami namang netizens ang umasang sana nga ay nagkabalikan na ang dalawa.
January, 2022 nang kumalat ang usapang hiwalay na ang dalawa nang mapansin ng netizens na hindi kasama ng aktor ang aktres nang magtungo ito sa Amerika.
Wala na ring ipino-post na mga litrato ang dalawa na magkasama sa kani-kanilang social media.
February 3, 2022 nang kinompirma na ni Barbie na hiwalay na nga sila ni Diego.
