James Reid sinalubong ng fans pagdating ng LA

MASAYANG sinalubong ng fans si James Reid nang dumating siya ng Los Angeles California kahapon.

Sa video na ibinahagi ng isa niyang supporter sa Instagram, makikitang masayang binati ng aktor ang kanyang fans. Anito, “What’s up Reiders and Royals. i landed safely. I’m out here in LA.”

Bago ito, ibinahagi rin ng kapatid ni James na si Chantal ang pamamaalam nito nang nasa airport. “Go rockstar! @james,” caption ni Chantal. 

Nagkaroon din ng despedida party ang singer actor para sa malalapit niyang kaibigan. Sinasabing kaya nagtungo ng America si James ay para roon tuparin ang matagal nang pangarap na maging international singer. Bagamat wala pa itong kompirmasyon mula sa aktor.

Marami naman sa mga kaibigan ni James ang nagpahayag na mami-miss nila ito. 

Sa picture na ibinahagi ni Fiona Faulker sinabi nitong, “Going to miss you brother.” 

May ibinahagi ring picture ng cake si James na may mensaheng, “Bon Voyage and good Luck James Reid!”(MVN)