HATAW! D'yaryo ng Bayan hatawtabloid.com
PABONGGAHAN
ni Glen P. Sibonga
HINDI natatakot si Sue Ramirez kung sakaling iba-bash siya ng mga tao dahil sa kanyang role na isang kabit sa upcoming Kapamilya teleseryeng The Broken Marriage Vow.
Gagampanan ni Sue ang role ni Lexy Lucero na magiging kabit ni David Ilustre (Zanjoe Marudo) at karibal ng totoong asawa na si Dr. Jill Ilustre (Jodi Sta. Maria).
“Hindi ako natatakot na ma-bash kung ang basehan naman ay character. The more na naba-bash ako, the more pa na magpapasalamat ako sa mga tao. At least, na-appreciate nila ’yung ginawa ko roon sa character. Alam ko naman na ‘pag binash nila ako, bina-bash siguro nila si Lexy. Pero hindi si Sue,” sabi ng aktres.
Handa siyang tanggapin lahat ng pamba-bash at panggigigil ng mga tao sa character niya.
“Tatanggapin ko po lahat. Hindi po ako para pigilan sila sa nararamdamang gigil nila sa mga character na gagampanan namin sa ‘The Broken Marriage Vow.’ Go, guys. Sasali pa kong mam-bash,” biro ni Sue.
Pinaghandaang mabuti ni Sue ang pagganap sa role niya dahil magkaibang-magkaiba sila ng personalidad.
“Iba kami maglakad, iba kami mag-isip, iba kami magsalita. So, talagang malaking-malaki ’yung adjustment na kailangan kong gawin,” ani Sue.
