Piolo sa relasyon nila ni Shaina — What you see is what you get

MA at PA
ni Rommel Placente

SA interview kay Piolo Pascual ng TV Patrol kamakailan, nagbigay na siya ng pahayag tungkol sa kumakalat na sweet photos nila ng matagal ng nali-link sa kanya na si Shaina Magdayao, na kuha sa isang resort sa Bohol noong October 2021.

Sabi ni Piolo, ”I think things got a little out of hand because of some photos that went around.”

Ayaw na rin ni Piolo na pahabain ang tungkol sa tanong kung ano ang real score sa kanila ni Shaina. Wala rin bago  ayon pa sa kanya, at gusto na lang niyang hayaang mamatay ang isyu sa kanila ng dalaga.

“It’s just the same. I guess it’s better not to talk about it. Let it just die down because it’s been how many years, and we always say the same thing.

“I guess, for now, wala. ‘Yun na ‘yon. What you see is what you get, as simple as that.”

So, sa sinabi ni Piolo na what you see is what you get ay parang pag-amin na rin ‘yun na talagang may something nang namumuo sa kanila ng nakababatang kapatid ni Vina Morales, ‘di ba?

Ayaw na nga lang niya sigurong matatanong pa siya tungkol sa sinasabing relasyon nila ni Shaina dahil nga obvious naman na talagang sila na.

Sa mga larawan nilang naglabasan, kitang-kita ang public display of affection ng dalawa gaya ng yakapan, holding hands, at may nakahiga pa lap, na karaniwan lang naman na ginagawa ng dalawang magkarelasyon, ‘di ba?