Wilbert Tolentino pasok sa Top 10 ng Youtube’s Breakout Creators 2021

MATABIL
ni John Fontanilla

PASOK sa 2nd spot ng Youtube’s Breakout Creators 2021 ang businessman at vlogger na si Wilbert Tolentino. Pumangalawa siya kay Hash Alawi.

Bago pa lang sa pagba-vlogging si Wilbert pero mayroon agad siyang 1.87 million subscribers at patuloy pang tumataas.

Bukod kina Wilbert at Hash pasok din sa Top 10 breakout creators ngayong taon sina Boy Tapang Vlogs, Andrea B., MPL Philippines, ang controversial na Viva artist na si AJ Raval, Kapuso star Herlene Hipon, Mygz Molino, ang parents nina Alex at Toni na sina Bonoy & Pinty Gonzaga, at ang actor/host na si Luis Manzano.

At ngayong taon ay itinanghal namang YouTube’s Top Content Creator sa Pilipinas si Ivana Alawi na  may 14.4 million subscribers. Si Ivana rin ang nag-number one sa YouTube’s list of content creators sa bansa last year.

Patuloy na gagawa ng mas magagandang content si Wilbert para magpasaya ng mga kababayan nating nalulungkot dulot ng Covid-19 Pandemic.