HATAW! D'yaryo ng Bayan hatawtabloid.com
MA at PA
ni Rommel Placente
SA panayam ni Anna Pingol ng PikaPika.ph. kay AJ Raval ay mariing itinanggi ng aktres ang mga paratang na nagkaroon sila ng sabay na relasyon ni Barbie Imperial kay Diego Loyzaga.
Napanood na rin ng dalaga ang panayam ni Boy Abunda kay Barbie noong November 28, na may mga pinakawalang rebelasyon laban kay AJ.
“Pinanood sa akin ng personal assistant ko kasi po wala na akong update sa social media. Nag-detox talaga ako ngayon kaya hindi ko alam ‘yung mga nangyayari. Tapos pinapanood lang sa akin ‘yung video,” sabi ni AJ.
Patuloy niya, ”Noong oras na ‘yun, parang nagtaka rin ako saan galing ‘yung ganoong issue. Hindi naman din ako nagalit. Parang wala lang. Wala akong reaction.
“Tapos parang gusto rin po niya akong magsalita. Para saan po? Parang ganoon.
“Alam naman nilang dalawa na hindi totoo ‘yun.”
Tinanong ni Anna kay AJ ang tungkol sa intrigang niligawan umano siya ni Diego.
“Si Diego po, hindi po, never nanligaw si Diego sa akin,” tanggi ni AJ.
“Wala kaming naging relationship ni Diego.
“One time ko lang po siyang nakasama, sa set pa ng ‘Death of a Girlfriend.’ Ayun lang po.”
Idinenay din ni AJ na pinuntahan siya ni Diego sa Pampanga. ”Hindi rin totoo na pumunta siya ng Pampanga. Last kita ko pa po sa kanya sa set pa ng ‘Death of a Girlfriend (ang movie na pinagsamahan nila).
“Sa totoo lang, wala po akong contact sa kanila… kay Diego. Hindi po kami nag-uusap.
“Parang one year ago huling usap ko po kina Barbie at saka isang beses ko lang din po nakita si Barbie. Parang ‘Hi, hello’ lang po. So, wala po talaga kaming connection,” aniya pa.
