HATAW! D'yaryo ng Bayan hatawtabloid.com
REALITY BITES
Dominic Rea
SA isyung kinasa-sangkutan ni Barbie Imperial kay AJ Raval ay mismong si Diego Loyzaga na ang nagsabing walang dapat sagutin o bigyang linaw ang kanyang girlfriend.
Sa virtual mediacon ng pelikulang Dulo na bida ang mag-partner, inunahan na ni Diego ng pakiusap ang entertainment media na huwag silang tanungin ukol sa issue kundi patungkol na lang sa pelikula nilang mapapanood sa December 10 sa Vivamax.
Sa isang tanong ko kung hanggang saan ang pasensiya ni Barbie pagdating sa isang relasyon, sinabi nitong nakahanda siyang ibyahe hanggang dulo ang pagmamahalan nila ni Diego.
Sinabi rin nitong dumarating sa isang relasyon o lovelife ang mapagod pero kaya niya itong panindigan hanggang dulo. At kapag hindi man umabot hanggang dulo ang isang relasyon ay tatanggalin niya ito at aalahanin na lamang ang magagagandang alaalang binigay sa kanyang buhay.
Binigyang puri rin ng mag-jowang Diego at Barbie ang kaibigan nilang si Direk Fifth Solomon. Anila, magaling si Fifth bilang isang baguhang direktor at maganda ang naging treatment sa kanila during the shoot. Barkada o kaibigan na pala ni Barbie si Fifth bago pa man niya ito nakatrabaho sa pelikulang ito.
Sinabi pa nina Diego at Barbie na umaasa silang mas malayo pa ang mararating ni Direk Fifth dahil matalino rin ito at magaan katrabaho.
