Notoryus na holdaper at carnapper
KELOT TIKLO

HINDI nakapalag sa Taguig police ang itinurong miyembro na tinaguriang Sta. Ana carnapping group na sangkot sa panghoholdap sa isang Indian national, sa isang convenience store sa Taguig City.

Kinilala ang suspek na si Marvin  Padilla, alyas Kalbo, 33 anyos.

Sa report na natanggap ni Taguig  chief of police (COP) P/Col. Celso Rodriguez, si Padilla ay dinampot at pinosasan ng mga awtoridad sa isinagawang SACLEO sa Manuel  L. Quezon St., Barangay Bagumbayan, Taguig .

Napag-alaman na si Padilla ay sangkot sa sunod-sunod na holdapan at dawit din sa reklamong panghoholdap sa isang Indian national.

Responsable umano si alyas Kalbo sa robbery

hold-up sa isang convenience store kamakailan at nakawan ng motorsiklo.

Nakompiska kay Padilla ang .38 caliber pistol at mga bala.

Inaresto rin sina Raymond Cahanap, alyas Manok, Rodolfo Bernardino, at si Joenel Allan Gonzales, isang welder na kasama ni Padilla na nahuling nagsusugal ng cara y cruz sa naturang lungsod. (GINA GARCIA)