Monday , April 15 2024
Rodrigo Duterte, Isko Moreno
Rodrigo Duterte, Isko Moreno

Away n’yo, bibilhin ko – Yorme Isko (Palasyo kinasahan)

Hataw Frontpage Michael Yang enkargado ni Duterte (Sa pro-China policy) Away n’yo, bibilhin ko – Yorme Isko (Palasyo kinasahan)

HINDI uubra kay Manila Mayor Francisco “Isko Moreno” Domagoso ang estilong sanggano ng Palasyo sa pagsagot sa mga isyu kaya ang hamon niya sa mga opisyal ng administrasyon sa Moriones St., sa Tondo sila magtuos.

Napikon si Domagoso sa estilo ng paghahayag ng mensahe ng Malacañang sa publiko na hindi angkop sa nararanasang CoVid-19 pandemic.

“‘Yung mga pasanggano-sangganong sagot, nabili na ‘yan. Kumita na ‘yan noong 2016. Nabili na ‘yan. Kung gusto n’yong sanggano, baba kayo sa gobyerno, punta tayo sa Tondo, sa Moriones, bibilhin namin kayo, total nagbebenta kayo ng away,” ani Domagoso kahapon.

Kamakalawa ay inakusahan si Domagoso ni Presidential Spokesman Harry Roque na namomolitika lang at tatakbo sa 2022 elections kaya nanawagan siya sa pamahalaan na bumili ng mga gamot para sa CoVid-19 imbes gumasta ng bilyones para sa face shield.

Tinawag na bgungol (bingi) ni Domagoso ang mga opisyal ng Palasyo sa hinaing ng bayan at ang pinaghahandaan ay ang eleksiyon.

Tiniyak ni Domagoso, hindi siya natatakot sa Malacañang at nakahanda siyang harapin ang kandidato ng administrasyon sa 2022 elections.

“Ang hirap kausap ng bingi, ang hirap kausap ng bungol, puro kayo plastic. Hindi po ito politika, bingi lang kayo. Huwag kayo maghanda sa eleksiyon. Kayo ang naghahanda sa elksiyon kung makabintang kayo wagas. Hindi naman kami takot sa inyo,” pahayag ng alkalde ng Maynila.

“Mr. President, tanggalin n’yo ‘yung mga taong walang malasakit sa kapwa niya. Ako talaga, ano na tayo, magkuwentas-klaras na tayo, anyway kakaharapin ko naman kayo sa Oktubre. Magkikita-kita naman tayo sa finals, may panahon kami para sa inyo. For now, magligtas tayo ng tao,” pagpapaalala ni Mayor Isko sa Pangulo.

Pinssaringan niya si Pangulong Duterte na walang inatupag kundi ang batikusin ang mga kumokontra sa palpak na pagtugon sa pandemya at nag-iimbestiga sa maanomalyang P10 bilyong kontratang nakuha ng Pharmally Pharmaceutical Corporation sa administrasyong Duterte na pinuna ng Commission on Audit (COA) at iniimbestigahan ng Senate Blue Ribbong Committee.

“Wala kayong inintindi, buhok ng may buhok, taba ng may taba, brief ng may brief. Bilyon ang ginastos ninyo sa plastic na wala namang bisa pero wala tayong Remdisivir, Tocilizumab. Ni hindi ninyo maibigay ‘yung marapat para sa frontliners.Tapos kung makapag-Pharmally kayo para kayong family,” giit ng alkalde.

Sa kanyang mga nakalipas na Talk to the People, tinuya ni Duterte ang katabaan ni Senate Blue Ribbon Committee Chairman Sen. Richard Gordon, pinintasan ang hati ng buhok ni Sen. Panfilo Lacson at nilait ang kanyang pagkatao batay sa mga sexy photos niya nang siya’y artista pa.

Bagama’t may mga grupong nakahanda aniya na sumuporta sa kanya kapag nagpasya siyang maging presidential bet sa 2022 elections, pagtutuunan muna niya ng pansin ang kanyang responsibilidad bilang alkade sa pagharap sa CoVid-19 crisis.

Nanawagan siya sa pamahalaan na maging mas maingat sa paghahayag ng quarantine classifications upang hind imaging sanhi ng pagkalito ng mga mamamayan, pati ng simbahan at religious groups. (ROSE NOVENARIO)

About Rose Novenario

Check Also

Bulacan Police PNP

2 durugista, 6 wanted, swak sa hoyo

Dalawang durugista at anim na wanted na mga kriminal ang sunod-sunod na inaresto ng pulisya …

PRO 4A handa at alerto para sa 2-Day Transport Strike

PRO 4A handa at alerto para sa 2-Day Transport Strike

Camp BGen Vicente P Lim – Nakahanda at asahang mapagbantay ang Police Regional Office CALABARZON, …

Sa 2 buybust operations sa Laguna P.5-M SHABU KOMPISKADO, 4 TULAK ARESTADO

Sa 2 buybust operations sa Laguna  
P.5-M SHABU KOMPISKADO, 4 TULAK ARESTADO

Kampo Heneral Paciano Rizal – Arestado ang apat na drug personalities sa magkahiwalay na anti-illegal …

Krystall Herbal Oil

Kusinero, tubig at krystall herbal oil panlaban sa heat stroke

Back to BasicNATURE’S HEALINGni Fely Guy Ong Dear Sis Fely Guy Ong,                Ako po …

Philippine Food and Beverage Expo 2024

 ‘Pakinggan si Villar’
ANING MASAGANA LILIKHA NG TRABAHONG MARAMI  

INIHAYAG ni Senate Committee on Agriculture  and Food chairperson Sen. Cynthia A. Villar na mababawasan …

Leave a Reply

Your email address will not be published. Required fields are marked *