HATAW! D'yaryo ng Bayan hatawtabloid.com
MATABIL
ni John Fontanilla
NAUNSIYAMING muli ang nakatakda sanang pagpunta ng Indonesia at Thailand ni Teejay Marquez para sa mga proyektong gagawin doon.
Dapat sana’y uunahin muna ni Teejay ang naiwang trabaho sa Indonesia at Thailand habang hindi pa sila nagsisimula ng shooting ng Ben X Jim Season 3.
Handa na sana si Teejay na umalis dangan lang at tumaas na naman ang bilang ng mga may Covid-19 dahil sa Delta variant.
Habang naghihintay na maging maayos ang lahat ay ibinubuhos muna ni Teejay ang kanyang oras sa pagpapaganda ng katawan at binibigyang oras ang social media na milyon na ang followers sa FB, Tiktok, Instagram atbp.
