HATAW! D'yaryo ng Bayan hatawtabloid.com
KASAMA na sa listahan ng mga atletang Pinoy si Asian Tour professional golfer Juvic Pagunsan sa hanay na lalarga sa 2021 Tokyo Olympics.
Ang nasabing magandang balita ay inanunsiyo ng International Golf Federation (IGF) , world governing body ng laro, pagkatapos ilabas nila ang top 60 golfers sa Olympic rankings nung Martes.
Si Pagunsan, 43, ang Mizuno Open champion ang ika-13th na atletang Pinoy na nakasama sa quadrennial games na magsisimula sa susunod na buwan.
Ang iba pang atletang Pinoy na hahataw sa Tokyo Olympics para asamin ang unang gintong medalya ng Pilipinas ay sina Kurt Barbosa (taekwondo); Margielyn Didal (skateboarding); Cris Nievarez (rowing); EJ Obiena (pole vault); Jayson Valdez (shooting) Carlos Yulo (gymnastics); Erleen Ando at Hidilyn Diaz (weightlifting); at Irish Magno, Eumir Marcial, Carlo Paalam at Nesthy Petecio (boxing).
Ayon sa IGF, ang top 15 world-ranked na manlalaro ay lalarga sa Olympics pero nilimitahan lang sa apat na manlalaro ang isang bansa.
Ang bansang naapektuhan ng nasabing ruling ay ang USA. Meron silang golfers na pumasok sa top 15 pero apat lang ang sasalang sa Tokyo Games.
Si Dustin John ay nag-withdraw na sa Games, at sina Justin Thoms, Collin Morikawa, Xander Schauffele at Bryson DeChambeau ay na-qualify.
Factoring in the multiple players representing one country, the rankings went as deep as the 340th ranked player — India’s Anirban Lahiri — to fill the 60 slots.
