Sharon Cuneta binugbog ni Sen. Kiko dahil may young lover — Fake news (Pinagkakakitaan ng YouTubers)

LIVE from Los Angeles California along with her husband Sen. Francis “Kiko” Pangilinan na naririto sa Filipinas kasama ang kanilang mga anak na sina Frankie, Miel, and Miguel, kapwa nagsalita ang mag-asawa sa kanilang social media account tungkol sa mga maling balita about them na kung ano-anong issue na lang ang ipinupukol sa kanila.

Tulad ng karelasyon raw ni Sharon ngayon ang leading man niya sa comeback movie na Revirginized na si Marco Gumabao na kanyang binigyan  ng mamahaling van, nabuntis siya ni Marco, at binubugbog ni Sen. Kiko kaya hayun umalis siya ng bansa nang solo.

“Pinagkakakitaan kami ng YouTubers na ‘yan na masama ang gawain sa kapwa. Well, ipinapasa-Diyos na lang namin ang lahat at alam naming may balik sa mga taong mga naninira sa amin lalo sa nananahimik kong mister na si Kiko.

“Wala kaming kinikita sa politika at walang porsiyento si Kiko, ang gusto lang niya magserbisyo sa kapwa,” sunod-sunod pang pahayag ni Mega na mabilis rin itinanggi na never siyang sinaktan ni Kiko at hindi totoo ang isyu na may lover siyang bata.

Si Sen. Kiko naman ay natatawang naiinis sa mga vlogger na imbentor at ayon sa kanya, totoo namang may sinasapak siya at binubugbog pero hindi si Sharon kundi ang lupa nila sa kanilang pag-aaring farm, na Sweet Spring Country Farm sa Alfonso, Cavite.

VONGGANG CHIKA!
ni Peter Ledesma