HATAW! D'yaryo ng Bayan hatawtabloid.com
NAG-SCRIPT reading na sina Alden Richards, Jasmine Curtis-Smith, at Tom Rodriguez noong Mayo 15 para sa Kapuso primetime series na The World Between Us.
Ipinost ito ng GMA Network senior program manager na si Anthony Pastorpide noong Sabado ng gabi sa Facebook na ang script reading session ay dinaluhan din nina Dina Bonnevie, Jaclyn Jose, at Direk Dominic Zapata.
Ayon kay Pastorpide, nagkaroon na ng script reading sessions before ang cast. Nasa final preparations na sila sa safety protocols para sa umpisa ng lock-in shooting sa Mayo 18, Martes.
Kinompirma ni Pastorpide na kasama rin sa cast ng The World Between Us si Glydel Mercado, pero nilinaw niyang wala sa cast si Cherie Gil.
May lumutang kasing tsismis noon na kinukuha si Cherie para sa seryeng ito.
Sa serye muna magpo-focus si Alden dahil medyo matatagalan pang simulan ang pelikula nila ni Bea Alonzo na A Moment To Remember. May balitang bandang August pa sila magsisimula dahil mahirap pa talagang mag-shoot ngayon. May kahigpitan pa sa safety and health protocols.
Sana, by that time, humuhupa na ang COVID cases at magbubukas na ang mga sinehan.
May mga nag-iisip ngang baka Kapuso na si Bea by the time na gawin niya ang first ever movie with Alden.
KITANG-KITA KO
ni Danny Vibas
