Wednesday , July 30 2025

Duque umalma vs red-tagging sa health workers

UMALMA si Health Secretary Francisco Duque III sa ginawang red-tagging laban sa health workers na hinihingi ang kanilang benepisyo at mas mataas na sahod.

“After our consultation with our health care workers (HCWs), we have been notified on incidents of discrimantion, intimidation, and violence against our HCWs including cases of red-tagging for simply asking for better benefits and pay,” ani Duque sa kanyang Labor Day message kamakalawa.

Noong 27 Abril 2021, naglabas ng kalatas si Communications Undersecretary at National Task Force to End Local Communist Armed Conflict (NTF-ELCAC) Lorraine Badoy na nag-akusa sa Alliance of Health Workers (AHW) at mga opisyal nito bilang mga terorista.

Tiniyak ni Duque, nakikiisa ang DOH laban sa anomang uri ng diskri­minasyon, pananakot at karahasan laban sa HCWs, kailanma’y hindi ito kokonsintihin at pananagutin ang mga nasa likod nito.

Magsasagawa aniya ng imbestigasyon ang DOH batay sa maka­kalap na mga ulat at maglalabas ng resolusyon ukol sa nasabing isyu.

“Apart from ensuring the safety of our HCWs, we continue to strive for better compensation and benefits befitting their service and sacrifices for our nation,” ani Duque.

Hindi aniya sapat na pasalamatan ang HCWs sa kanilang katapangan sa pagharap sa pandemya, kailangan din silang protektahan.

Nanawagan ang DOH sa publiko at iba pang ahensiya ng gobyer­no na manindigan para sa health care workers at bigyan ng proteksiyon laban sa anomang uri ng diskri­minasyon, pananakot at karahasan.

Sa ginanap na ikalawang dialogue ng Alliance of Health Workers (AHW), SHAPE UP at Filipino Nurses United (FNU) kay Duque noong 30 Abril 2021, inamin ng kalihim na “tali ang kanyang mga kamay”  o wala siyang magagawa upang magkaroon ng kalutasan ang issues and concerns ng mga manggagawang pangkalasuguna, sabi ng AHW sa kanilang Facebook post.

Dahil dito’y itinakda ng AHW ang isang motorcade patungong Malacañang upang makipag-dialogo kay Pangulong Rodrigo Duterte sa 7 Mayo, Health Workers Day.

“Higit nating patata­gin ang ating hanay, tipunin ang ating lakas at ihanda ang kasapian ng ating mga unyon dahil muli tayong babalik sa Malacañang upang ang ating mismong singilin ay si Pangulong Duterte sa kanyang kapabayaan, kawalan ng malasakit at pananatiling bingi at manhid sa ating mga panawagan para sa proteksiyon, kaligtasan at kagalingan ng mga mang­gagawang pang­kalusugan,” anang AHW.

(ROSE NOVENARIO)

Krystall Herbal Products and FGO Branches

About Rose Novenario

Check Also

Bulacan

Pinakamataas na naranasan
High tide sa Bulacan ngayong taon umabot sa halos 5 talampakan

KASALUKUYANG nakararanas ng high tide ang lalawigan ng Bulacan na may taas na halos limang …

SSS

SSS maglalabas ng binagong Calamity Loan Program (CLP) guidelines; pagbaba ng interest rate sa 7%, pinapayagan ang renewal pagkatapos ng anim na buwan, pinasimple ang proseso ng pag-activate para sa napapanahong tulong pinansiyal

INIANUNSIYO ng Social Security System (SSS) na maglalabas sila ng revised Calamity Loan Program (CLP) …

Bulacan PDRRMO NDRRMC

Bulacan, pinaigting disaster response sa mga binahang munisipalidad

HABANG patuloy na nararanasan ang epekto ng habagat na pinalakas ng mga bagyong Crising, Dante, …

NDRRMC

25 katao patay sa 3 bagyo at Habagat

PATAY ang 25 katao sa magkakasunod na pagtama ng mga bagyong Crising, Dante, at Emong …

Sara Duterte Bam Aquino

Bam Aquino nanindigan impeachment trial vs VP Sara dapat ituloy
Humingi ng caucus sa mga kapwa Senador

NANINDIGAN si Senador Bam Aquino na dapat ituloy ang impeachment trial ni Vice President Sara …

Leave a Reply

Your email address will not be published. Required fields are marked *