Reality talent show ng GMA tigil muna; fantasy drama series ni Bong ipapalit                                

PAHINGA muna sa pasiklaban at world-class performances sa reality-talent show ng Kapuso Network na Catch Me Out Philippines simula sa Sabado (May 1).

Ayon sa post ng Catch Me Out Philippines, wala naman dapat ikalungkot ang viewers dahil nakatakda ring magbalik-telebisyon ang naturang programa na may hatid pang mas matitinding performances.

Samantala, simula May 1 ay mapapanood na sa timeslot ng Catch Me Out Philippines ang upcoming fantasy drama series na Agimat ng Agila na pinagbibidahan ni Ramon “Bong” Revilla, Jr. bilang si Major Gabriel Labrador ng Task Force Kalikasan.

COOL JOE!
ni Joe Barrameda