HATAW! D'yaryo ng Bayan hatawtabloid.com
SI Cristy Fermin lang pala ang kailangang mag-interbyu kay Derek Ramsay para magtapat ang aktor na siya ang nagpasyang maghiwalay na sila ni Andrea Torres.
Nagpainterbyu ang current boyfriend ni Ellen Adarna sa radio program na Cristy Per Minute noong April 20, at sa okasyon na ‘yon ipinagtapat ni Derek ang katotohanan: siya ang nakipaghiwalay kay Andrea.
May kinalaman ang pamilya ni Andrea sa nangyari sa kanila. At sa telepono lang sila naghiwalay.
Lahad ng actor, ”Yung sa amin ni Andrea, it was actually may problema na nangyari na, I guess, nagbigay sa akin ng sign na, I think, this relationship we have, our views on this…’ yung problemang ‘yon, ‘yung values namin, ng isa’t isa, are not the same.
“Hindi mali ‘yung values niya, hindi mali ‘yung values ko. Pero ganito ako pinalaki, ganoon siya pinalaki.
“Hindi ko na aatakihin ‘yon, hindi ko siya babaguhin. Hindi niya ako babaguhin.
“So I told her, ‘I think that this is the end of this relationship because we cannot see eye to eye on this matter.
“’So I think it’s just best na kumalas na tayo ngayon rather than lalaki pa, and then two, three years down the road, maghihiwalay tayo.
“’Babalikan natin ito kasi nga iba ang views natin sa problemang ‘yan, and it’s a waste of time and it’s a waste of effort… masakit, di ba?’”
Ang regret lang ni Derek sa paghihiwalay nila ay, ”’Yun lang ‘yun siguro kung may regret ako is that it came up over the phone.”
Dagdag na pagtatapat pa ni Derek, ”Actually, dapat magkikita kami noon. Ang nangyari, it came up over the phone, pero with no disrespect.
“Hindi namin dinisrespect ang isa’t isa. She agreed also.”
Ang pag-amin ni Derek na siya ang kumalas at sa telepono lamang sila naghiwalay ni Andrea ang dalawa sa mga rason kaya nadagdagan ang mga nakikisimpatiya sa aktres.
Naramdaman umano nila ang matinding kirot sa puso ni Andrea dahil napakasakit para sa isang babae ang iwanan ng lalaking minamahal, at naghiwalay sila sa pamamagitan lang ng pag-uusap sa telepono.
Naging matapat si Derek sa kanyang mga sagot at pahayag, pero hindi ito tanggap ng sympathizers ni Andrea kaya hinuhusgahan at binabatikos nila ang nagpakatotoong 44-year-old actor.
KITANG-KITA KO
ni Danny Vibas
