Bea umamin na sa tunay na relasyon kay Dominic

UMAMIN na sa wakas si Bea Alonzo na nagdi-date sila ng Kapamilya actor na si Dominic Roque. Date na umaabot sa out-of-town resort sa Palawan.

Date na dati ngang inililihim nila sa pamamagitan ng halos sabay nilang inilalabas sa kanya-kanyang Instagram at wala silang litratong magkasama.

Hindi pa siguro sila nagsasabi sa isa’t isa ng “I love you!” kaya ang sabi ni Bea sa bigatiNg editor ng Mega Ent online magazine ay hindi pa sila. Hindi pa sila mag-jowa.

“We haven’t gone beyond dating!” sambit ni Bea kay G3 San Ped­ro (na babae pala, nadis­kubre namin sa paggu-Google ng unique at unisex na pangalan n’ya).

So alam na natin ngayon na “dating” pa lang ang label ni Bea na ‘di pa nakalilimot na “ghosted” siya ng boyfriend n’yang si Gerald Anderson na tatlong taon na ring girlfriend ni Julia Barretto (bagama’t noong March lang inamin ni Gerald ang relasyon nila).

Ilang buwan kaya ang hihintayin ng madla para sabihing sila na nga?

Thirty-three years old na si Bea at 26 naman si Dominic (na parang matagal nang walang project sa ABS-CBN, pero baka naman may negosyo siya o mayaman ang pamilya n’ya at ‘di n’ya kailangang maghanapbuhay.)

‘Pag naging sila na ni Dominic officially, sana ay itigil na ni Bea ang pagsagot ng mga tanong tungkol sa nangyari sa kanila ni Gerald. Sabihin na lang n’yang may amnesia tungkol kay Gerald.

Nagmumukha lang siyang kawawa at nagmumukhang napakasamang lalaki na kinababaliwan naman ng mga babae (and most likely, pati ng mga bading na laging sabik pero nagpapanggap na nalulungkot lang).

KITANG-KITA KO
ni Danny Vibas