Alden at Julie Anne, pangungunahan ang pasiklaban ngayong Bagong Taon! 

SALUBUNGIN ang 2021 kasama ang Kapuso stars sa isang bonggang celebration na inihanda nila para sa  fans at viewers ngayong bisperas ng Bagong Taon!

Kasabay ng pagdiriwang ng ika-70 anibersaryo nito, nais ng GMA Network na pasalamatan ang lahat ng mga patuloy na sumusuporta sa kanila sa kabila ng mga pagsubok na dala ng 2020.

Sama-samang bumilib sa world-class performances nina Alden Richards, Julie Anne San Jose, Christian Bautista, Ken Chan, Rayver Cruz, Kyline Alcantara, Gabbi Garcia, Khalil Ramos, The Clash at StarStruck alumni, at marami pang iba ngayong December 31 para sa Kapuso Countdown to 2021: The GMA New Year Special.

Tampok din sa engrandeng event na ito ang mga espesyal na guests na sina Janine Teñoso, DJ Loonyo, Mannex Manhattan, at GForce. Tiyak hatid nila ay good vibes kaya naman huwag magpapahuli ngayong Huwebes, 10:30 p.m., sa GMA-7, GMANetwork.com at via GMA Pinoy TV.

Rated R
ni Rommel Gonzales