Libreng dialysis, handog ng foundation sa mahirap

LINGID sa kaalaman ng karamihan, daan-daang mahihirap na Filipino na may sakit sa bato ang tinutulungan ng isang foundation para makapag-dialysis simula pa noong Nobyembre.

Ayon kay Atty. Caroline Cruz, program director ng Pitmaster Foundation, Inc., “inire-refer namin ang mga pasyente sa pinakamalapit na ospital o dialysis center tapos kami ang mag­babayad.”

“All they have to do is message us sa aming Facebook o Instagram, tapos we contact them and refer them sa dialysis center o ospital,” aniya pa.

May 15 partner dialysis centers ang Pitmaster Foundation, Inc., sa buong bansa.

Umaabot sa halos P5,000 ang sinasagot ng Pitmaster Foundation sa bawat sesyon ng pa­syente.

“Gusto lang po namin na makatulong sa gastusin ng pamahalaan para maipagamot ang libo-libo nating mahihirap na kababayan na kailangan ng dialysis,” dagdag ni Atty. Cruz.

Ani Cruz, “Alam po naman natin na sagad na rin ang gastusin ng pamahalaan dahil sa pandemyang ito kaya we are willing to help.”

Nabatid na walang bayad at dapat ay mahirap ang tanging requirement ng Pitmaster para sa kanilang libreng dialysis.

Para sa libreng dialysis, mag-message lang sa Pitmaster Facebook messenger o sa kanilang Instagram na ‘Pitmaster Cares.’

Maaari rin mag-email sa [email protected].