Team sports magbebenipisyo rin sa Bayanihan 2

ANG national athletes sa team sports ay nakatakdang tumanggap ng nalalabing 50% ng kanilang June at July allowances at magpapatuloy na tatanggap ng kanilang full allowance hanggang sa Disyembre.  Kasama ang kabuuan ng Team Philippines ay tatanggap din ng ‘special amelioration package’  na bigay ng gobyerno.

Ang magbebenipisyo dito ay ang 199 atleta at 39 coaches na kasali sa teams of eight sports, katulad ng:   aquatics-water polo, baseball, dragonboat, handball, ice hockey, softball, underwater hockey at volleyball.

Nagpasalamat naman si  Philippine Sports Commission (PSC) Chairman Butch Ramirez sa congress, senate at kay President Rodrigo Duterte sa pagkakasali ng national team sa coverage ng Republic Act No. 11494.

“A community coming together really makes a whole lot of difference,” pahayag ni Ramirez, na tinukoy ang tulong ng Philippine Olympic Committee (POC) President Rep. Abraham Tolentino para makuha ang pondo at  maibalik  ang 50% cut sa national team’s allowances.

Ang allowances ng team sports ay limitado sa ilang buwan bago at pagkatapos ng major international  competition katulad ng Asian Games o ang Southeast Asian Games dahil sa konsiderableng pondo na isinasama.

Dahil sa tagumpay ng Team Philippines bilang overall champion sa 30^th SEA Games, ang PSC Board ay inaprubahan ang extension ng allowances hanggang July ngayong taon.   At ngayong tinamaan ng krisis ang lahat, ang sports agency ay inaprubahan para magpatuloy hanggang katapusan ng taon at kasama ang team sports sa budget mula sa Bayanihan Act 2.

Kinumpirma  ng PSC ang pagtanggap sa P180 million funding sa ilalim ng Bayanihan Act 2.   Ang kinakailangang administrasyon para magkaroon ng kaganapan ang remittance ay ginagawa na ngayon at inaasahan ang release nun sa unang linggo ng Disyembre.