HATAW! D'yaryo ng Bayan hatawtabloid.com
Nagulat si Dovie Red (dating Dovie San Andres) nang makatanggap ng report ukol sa isang poser sa Facebook na ginagamit ang kanyang namayapang boyfriend.
Isang Barrett Michael, gamit ang cover photo at lahat ng file photos and videos sa kanyang FB account ay sa namayapang indie actor-model noong 2018 na si Khristian Michael Villanueva na boyfriend ni Dovie.
Ang masakit para sa nasabing controversial social media personality (Dovie) pinalalabas ng Michael na ito sa mga kaibigan sa Facebook na siya ay kasalukuyang nasa Australia at doon nagtatrabaho.
Paano naging buhay ang patay? At ang worry pa ni Dovie ay baka pagkakitaan ng said poser ang mga taong nagpa-follow sa kanya kaya gusto niyang paalalahanan ang mga makababasa nito na wala siyang pahintulot o ang pamilya ni Khristian Michael sa Laguna na puwedeng gamitin ang mga larawan ng actor lalo’t namayapa na nga.
“Nag-pretend na buhay si Khristian Michael T. Villanueva, Jr. Nasa Australia siya. Grabe naman ito. Pero ang mga pictures ni Khristian ay mga dati pa. Wala naman bago. Ang live video nya ay luma rin na kunwari ngayon buwan lang at taon. Ang pinakamasakit kakambal daw siya (Garrett) ni Khristian Michael pero ang mga pictures ay mismong pictures ni Khristian. Bakit ito ginawa sa taong namayapa na magto-2 years na sa February 17, 2021,” pahayag ni Dovie.
Aniya, hindi raw niya tatantanan ang nagpapanggap na Khristian Michael.
VONGGANG CHIKA!
ni Peter Ledesma
