HATAW! D'yaryo ng Bayan hatawtabloid.com
SA LAHAT ng fake news, na ikinakalat ng mga mapag-imbentong blogger na nagsulputang parang mga kabute ang pamamalaam na raw ng 41-year old na Eat Bulaga sa ere at sa October 9 na raw ang huling episode ng EB, na sobrang fake news.
Ewan kung saan napulot ng mga walang krediblidad na bloggers ang haka-hakang ito.
Una, existing pa ang contract ng Tape Incorporated sa GMA 7 bilang blocktimer para sa lampas apat dekadang number one longest-running noontime variety show. Pangalawa, patuloy sa paghahari sa ratings game ang EB kahit nasa free channel pa ang katapat na It’s Showtime ay kinakabog ito ng Bulaga sa mahabang panahon specially sa Mega Manila Ratings.
Pangatlo, at panghuli, madalas sabihin ni Tito Joey de Leon na: “Hangga’t may bata ay may Eat Bulaga,” kaya kahit nariyan pa rin ang pandemic ay tuloy-tuloy ninyong mapapanood ang nasabing show sa Kapuso network.
Patok pa rin hanggang ngayon ang iba’t ibang segments ng Eat Bulaga lalo ang BAWAL JUDGEMENTAL na hindi talaga pagsasawaang panoorin. Dahil totoong kuwento ng buhay mula sa dabarkads natin na parte nito araw-araw ay marami ang nakare-relate sa kanilang istorya.
Nariyan rin ang kanilang Pinoy Henyo Online, may puwedeng manalo rito ng libreng load manood
lang mula umpisa hanggang dulo. Kaya ating samahan mula Lunes hanggang Sabado si Bossing Vic Sotto, Joey de Leon, JOWAPAO (Jose Wally and Paolo) at ang AlDub love team na sina Maine Mendoza at Alden Richards plus Pia Guanio and others.
Isa rin sa inaabangan ang “Pamilya Nunal” na kinabibilangan nina Maine and Paolo at ang gumaganap nilang nanay na si Wally at Jose bilang kanilang tatay at may celebrity guest sila rito. May ‘paayuda’ rin araw-araw para sa mapipiling ‘Lucky Dabarkads’ na same day ay makukuha agad ang cash prize. Puwede itong mapanalunan sa PALAWAN EXPRESS PADALA.
Bukod sa GMA7, patuloy ninyong mapapanood ang Bulaga sa kanilang YouTube Channel at EB Facebook Fanpage.
VONGGANG CHIKA!
ni Peter Ledesma
