HATAW! D'yaryo ng Bayan hatawtabloid.com
MULA sa pagiging solo ay bumubuo ng all girl group ang Pinay Japan based singer na si Mariah Elizabeth Fronda.
Aniya, “Sa ngayon back to work na kami, medyo matagal ding hindi nakapag-work dahil sa Covid-19 pandemic.
“Pero during the time na nasa bahay lang ako wala akong ginawa kundi mag-compose ng mga song kaya naman may mga ready song na ako na soon ay ire-record ko.
“Balik gig pa rin ako rito sa Japan, medyo na miss ko rin mag-show, hopefully tuloy-tuloy na.”
Dagdag pa nito, “Tapos ngayon nagpo-form ako ng all female group mostly half Pinoy/half Japanese.
“Ang purpose namin ay i-promote ang Philippines at ang Japan, bale ‘yung mga song namin combination ng Pinoy at Japanese song.”
At kapag okey na ang kanilang grupo, dadalhin niya ito sa Pilipinas para mag-perform at makilala ng mga Filipino.
Pero hindi nangangahulugan na iiwan na niya ang solo career sa pagbuo niya sa girl group, tatanggap pa rin siya ng mga solo gig kung may kukuha sa kanya.
MATABIL
ni John Fontanilla
