HATAW! D'yaryo ng Bayan hatawtabloid.com
DAHIL nasa NEW NORM na ang talbo ng buhay ng mga tao, naghihintay ang marami sa muling pagbubukas ng Kapamilya Network. Sige na rin sa paghahanda ang iba pang ang layon lang eh, patuloy na magbigay ng saya sa madla.
Halos isang linggo ng nag-LIVE ang #EatBulaga.
Ipinakita ang safety protocols na sinusunod nila na may doktor at nurse na naka-antabay sa APT Studios.
At nag-announce naman na ang Kapamilya na sa Sabado, matutunghayan na rin natin ang pagbabalik sa ere ng #ItsShowtime.
Sa EB, ang inaabatan ko lagi ay ang portion na #BawalJudgmental. At ito ang inuna nilang gawing LIVE sa Studio.
Sina Bossing Vic at Pauleen Sotto, Allan K, Raiza Mae, Pia Guanio, Ryan Agoncilo, at Baste eh, nasa mga tahanan pa nila.
Talagang nagpapasabog ang EB at sa nasabing portion, naisip nila na gumawa ng giant face shield para sa mga contestant na hinulaan ang sagot sa tanong ng unang guest na si Teri Onor.
Kung LIVE show ang pag-uusapan, nauna na sa kanila si Willie Revillame sa Tutok to Win nito sa Wowowin na tuwing hapon ay aabot sa milyon-milyon ang ipinamamahaging pera mula rin sa kanyang sponsors.
Aabangan pa natin kung ano pa ang magagandang mapapanood sa NEW NORM for our viewing pleasure.
Sa It’s Showtime, mga bagong segment naman na kaya ang ihahain sa atin? Mayroon ding paboritong ibabalik sila sa kakaiba ring paghahandog sa madla!
Pero naaliw talaga ako sa Giant Face Shield, ha? Covered ang buong tao! Ano pa kaya mga kasunod?
Unti-unti.
HARD TALK!
ni Pilar Mateo
