Kris, namaga ang mukha; naaksidente pa

NABAHALA ang napakaraming fans ni Kris Aquino nang tumambad ang namamagang mukha nito sa social media gayundin ang   paghahayag ng aksidenteng nangyari.

Magang-maga ang mukha ni Kris dahil sa allergy matapos makainom ng maling pain reliever para sa kanyang migraine. Kaya naman ang dapat sana’y Facebook Live niya noong Martes ng gabi ay hindi natuloy.

Bukod sa pag-atake ng matinding allergy, napuruhan din ang kaliwang kamay niya nang mabagsakan at maipit ng electric fan.

Dalawang picture ni Kris ang ipinost niya sa kanyang Facebook page. Roo’y makikita ang matinding pamamaga ng kanyang mukha lalo na ang mga mata gayundin ang nakabendang kamay na siyang napuruhan ng electric fan habang inaayos iyon.

Narito ang buong pahayag ni Kris mula sa kanyang FB.

“Sorry hindi natuloy our other FB Live sessions… WARNING: don’t swipe to the next 2 pictures if you’re not okay seeing swollen eyes na parang nakipag sparring ako kay Ronda Rousey.

“Last Sunday, I drank the wrong pain reliever for my migraine- the result? Super bad allergic reaction & 5 days before swelling finally subsided. 

“INGAT please – let what happened to me be the warning. 

“Last picture is my left hand because this afternoon i tried to be independent; 

“I was adjusting the electric fan stand to lower it, malay ko ba na pwedeng biglang bumagsak na lang yung buong fan & naipit na ko- OUCH. 

“Since hindi talaga pwede sa pain relievers & anti inflammatory meds, i’m using helichrysum essential oil… 

“Nurse Mona made a splint because ang hirap to straighten my hand, may mga naipit na ugat kaya up to my elbow yung kirot.

“Wishing all of you good health & will try to do another FB session soonest. God bless you all.”

SHOWBIZ KONEK
ni Maricris Valdez Nicasio