HATAW! D'yaryo ng Bayan hatawtabloid.com
HALOS abutan na ng pagsikat ng araw bago dalawin ng antok si Kapuso actress at Love of my Life star, Rhian Ramos simula nang ipatupad ang enhanced community quarantine.
Kahit naka-adjust na sa tinatawag na ‘new normal,’ aminado si Rhian na nahihirapan siyang makatulog lalo na noong mga unang araw.
“Noong una, hirap na hirap akong matulog. Pa-late nang pa-late hanggang pinanonood ko muna ‘yung sunrise bago ako matulog,” kuwento ni Rhian sa isang exclusive interview kasama ang piling press via Zoom.
Dagdag pa ni Rhian, noong kadedeklara pa lang ng ECQ ay excited siya dahil magkakaroon na siya ng oras para sa sarili gaya ng panonood ng shows, pag-aaral ng bagong skills, at ang balak na mag-enroll sa mga online masterclass.
Sa paglipas ng panahon, naisip ni Rhian na gumawa ng routine at schedule para magkaroon ng structure ang kanyang mga araw. Alas-onse ng gabi siya natutulog at 8:00 a.m. naman gumigising.
Pagkagising doon na niya gagawin ang gawaing bahay gaya ng pagluluto, paglalaba, at pagliligpit.
Kasalukuyang napapanood si Rhian sa rerun ng Stairway to Heaven sa GMA Afternoon Prime.
RATED R
ni Rommel Gonzales
