Viewers, napa-throwback sa Art Angel

MARAMING viewers ang natuwa nang mabalitaang ipalalabas muli ng GMA7 ang children show na Art Angel.

Sa panahon ngayong stay at home hindi lang ang mga bata, kundi pati na rin ang kids at heart, patok ang mga all-time favorite show tulad nito. Hindi lang kasi mga bata ang  ang matututo ng arts and crafts mula sa mga host na si Ate Pia Arcangel at Kuya Tonipet Gaba, pati na rin ang mga adult na ngayon ay mababalikan ang panahon kung kelan unang umere ang programa.

Ultimate throwback nga tuwing Saturday sa childhood memories ang hatid ng Art Angel. Pati nga ang mga ngayo’y dalaga at binata na tulad nina Krystal Reyes, Miguel Tanfelix, at JM Reyes, nakatutuwang makita muli bilang mga cute na child star noon.

Hindi tuloy kami magtataka kung pati sina mommy at daddy, kasama ng mga tsikiting na gigising ng maaga para mapanood ang Art Angel tuwing Lunes, Miyerkoles, at Biyernes, 8:25 a.m. sa GMA7.

RATED R
ni Rommel Gonzales