HATAW! D'yaryo ng Bayan hatawtabloid.com
MASAYA na ang puso ni Julia Barretto ngayon lalo pa’t may bago na siyang estratehiya sa pagha-handle ng pakikipagrelasyon niya.
At ang estratwhiya na ‘yon ay ‘di n’ya ipagtatapat kung sino ang karelasyon n’ya at kung mayroon nga o wala siyang karelasyon.
Proklama n’ya noong mag-guest siya (sa pamamagitan ng pakikipag-usap sa telepono) sa Moving On ng radio station Magic 89.9 FM kamakailan: “My heart is fine right now, actually… thankfully.”
Pagdidiin pa n’ya sa hosts ng programa na sina Sam YG at Gino Quillamor: “It’s happy right now… it’s very happy. But I think, as to whether I’m single or not, I think I’m not gonna answer that for now. I think I wanna keep people wondering.”
Nakapagtataka kung bakit ganoon ang sagot n’ya sa dalawang sweet na hosts na kalmado namang tinanggap ang klase ng mga sagot na ‘yon.
Hindi paglilihim ang kasalukuyang ginagawa ni Julia kundi pagdi-deny na ‘di naman pinaniniwalaan ng madla.
Ang tagal n’yang itinatanggi na kaya siya nakipaghiwalay kay Joshua Garcia lagpas na ng isang taon ang nakararaan ay dahil nabaling ang puso n’ya kay Gerald Anderson noong ginawa nila ang pelikulang Between Maybes sa Japan.
Paminsan-minsan hanggang ngayon, may natutulikap na ebidensiya ng relasyon n’ya kay Gerald ang mga netizen na masugid na tagasubaybay ng showbiz.
Halimbawa’y ang pagkakaroon nila ng magkamukhang-magkamukhang bracelet na siyang nakaugaliang gawin ng mga magkasintahan. Magkapareho rin ang jersey number nila nang sumali sila sa ABS-CBN All-Star Games noong August 2019.
Anyway, pangangatwiran ni Julia sa dalawang hosts kung bakit magiging malihim na siya sa lovelife n’ya: “If there’s something that you really wanna last and work out, protect it as much as you can. Don’t share too much about it.
“Don’t share so much about a relationship that is supposed to be just between two people.”
Gayunman, sa paglaon ng interbyu inamin na rin ni Julia na may karelasyon siya ngayon. Noong nag-celebrate siya ng 23rd birthday n’ya noong March 10 ang kasalukuyang boyfriend lang n’ya ang ‘di n’ya kapamilya na niyaya n’ya sa birthday dinner sa bagong sarili n’yang bahay (na ilang hakbang lang naman yata ang layo sa bahay ng nanay n’yang si Marjorie, na kapiling pa rin ang mga anak n’ya kay Dennis Padilla at ang isang anak n’ya sa isang dating meyor ng Caloocan City).
Halos sumpa n’ya kung paano n’ya tinatrato ang bago n’yang relasyon: “So now, I want things to work out, I want things to last. I’m gonna protect it with all that I have.
“I’m gonna keep a lot of things to myself from now on when it comes to that aspect in my life.” Dahil hindi nga siya mapilit ng dalawang hosts na sabihin ang pangalan ng kasalukuyan n’yang boyfriend, tinanong na lang siya ng dalawang hosts kung ano-ano ang mga katangiang ng lalaking gusto n’yang maging boyfriend.
Heto ang enumeration ng ngayo’y 23 years old ng aktres ng ABS-CBN: “Someone intelligent… A good conversationalist.”
Maiibig n’ya ang isang lalaking gentleman, maaasahan, at makaiintindi sa kanya. “Just being a gentleman, somebody who is always there for you. Someone who understands you.”
Wala ba kay Gerald ang mga katangian na ‘yon?
KITANG-KITA KO!
ni Danny Vibas
ni Danny Vibas
