HATAW! D'yaryo ng Bayan hatawtabloid.com
DAHIL nga sa lockdown, stay at home lang talaga ang mag-asawang Toni Gonzaga at direk Paul Soriano with their son Sevi.
At madalas, pareho silang nakatutok sa kanilang mga laptop para magkaroon ng ugnayan with the outside world.
Sa kanilang mga mahal sa buhay, mga kaibigan at katrabaho.
Kaya ibinahagi nga ni Toni ang kanilang I Feel You project nina Inang Olive Lamasan, at ABS-CBN Films na nagkaroon ng live streaming noong Linggo at may replays pa sa buong Linggo.
“Marami ang natuwa sa episode we had noong Mother’s Day with Ate Vi (Vilma Santos). At star studded sa mga naging iba pang guests. Nagkaroon din kami ng kay Ma’am Charo Santos where she talked about motherhood and her career.”
Kung mayroon mang naidulot na kabutihan sa kanya ang pangyayaring ito na nararanasan ng lahat, “It’s about letting go. Rati, I was a perfectionist. Napaka-OC ko kasi. This time, natutuhan ko na to take control of things I cannot control. Let go.”
Dahil online na nila hino-hold ni Paul ang kanilang meetings, hindi naiwasan na magtaka si bagets na roon sila nakatutok.
Kaya nag-request ito na sana siya rin eh, mag-Zoom.
Agad-agad namang natupad ‘yun nang maanyayahan si Sevi ni Mariel Padilla na “dumalo” sa Zoom party ng bunsong anak.
“Nakalagay pa nga bring your favorite toy. Feel na feel siya ni Sevi kahit virtual. Tuwag-tuwa. Kami naman, thankful for this virtual show. ito ngayon ang nagpapasama-sama sa atin.”
Mapapanood ang kanilang I Feel You sa sari-saring platforms na gaya ng Jeepney TV, Cinema1, at Myx.
Enjoy!
HARD TALK!
ni Pilar Mateo
ni Pilar Mateo
