HATAW! D'yaryo ng Bayan hatawtabloid.com
TAWA naman ako nang tawa sa nadaanan kong vlog ng sumikat na ‘yaya’ cum house engineer ni Papa P (Piolo Pascual), si Moi Bien.
Natuklasan ni Moi na may talent din siya sa pag-arte kaya matapos ang maraming pagkakataong nadadalas na ang guesting niya at pagsalang sa iba’t ibang aktibidades ng showbiz, pinakawalan na siya ni Papa P para lalo pang humusay ang career.
Pero isang bagay na masasabing mahusay si Moi eh, sa kusina. Sa pagluluto.
Ito rin ang nakita ng bale nagma-manage sa kanya ngayon na Cornerstone Entertainment ni Erickson Raymundo.
May “Luto ni Moi” sardines si Moi na naipatikim sa amin kamakailan. At gusto nga niyang magtuloy-tuloy ito bilang negosyo.
At kung matapos na nga itong pandemic that we are all in, nag-iisip na ito na magbukas kahit maliit na puwesto para sa kanyang mga nasisimulang produkto.
Nakaaaliw lang si Moi sa kanyang vlog.
Doon sa napanood ko, naghanda siya ng pancit na may sardinas.
May mukha ni Kim Chiu ‘yung pakete ng pancit na iniluto niya.
Na ibinigay niya sa mga guard kung nasaan siya. May tuwang-tuwa sa sarap ng niluto niya.
Kaya naman pagbalik niya ng bahay, bitin ang kanyang anak at halos wala ng natira para sa kanya para kainin.
May 5.4K views na ang YouTube vlog ni Moi.
Try niyo panoorin para maaliw sa panahon at sitwasyong ito.
Sana nga kundi man tindahan eh maliit na kainan ang maipundar ni Moi para sa bago niyang sideline bukod sa pag-arte.
At least, hindi nag-iinarte, ha!
HARD TALK!
ni Pilar Mateo
