Chariz Solomon, may kakaibang experience nang lumabas ng bahay

KAKAIBANG experience para sa Kapuso comedienne at Bubble Gang star Chariz Solomon ang first time nitong paglabas ng bahay mula nang ipatupad ang enhanced community quarantine sa buong Metro Manila.

 

Dahil may kailangang asikasuhing importanteng bagay, napilitan si Chariz na lumabas ng tahanan suot-suot ang facemask at face shield para protektahan ang sarili. Sa kanyang Instagram post, binahagi ni Chariz na hindi biro ang lumabas ng bahay lalo pa sa estado ngayon ng Metro Manila na higit na apektado ng lumalaganap na virus.

 

Kaya naman saludo si Chariz sa mga magigiting na frontliner na inilalagay sa peligro ang mga buhay para makatulong sa kapwa.

 

“Ang hirap pala. Grabe saludo ako sa frontliners natin talaga they have to be this intense and more 24/7,” anang Kapuso star.

 

Samantala, tuloy-tuloy ang saya sa longest-running comedy program na Bubble Gang na mapapanood tuwing Biyernes sa GMA-7.

 

 

RATED R
ni Rommel Gonzales