HATAW! D'yaryo ng Bayan hatawtabloid.com
IPINAHAYAG ng PBB alumna na si Kamille Filoteo na umaasa siyang mabibigyan ng mas maraming projects, lalo’t siya ay nasa pangangalaga ngayon ng AsterisK Artist Management ni Kristian G. Kabigting at ng Viva.
“More projects po of course kasi pangarap ko pong makapagpatayo ng sarili kong bahay para sa pamilya ko at para makauwi na rin po ang mama dahil nasa abroad po siya,” saad ni Kamille ukol sa mother niyang OFW.
Aniya, “This year lang po ako nakapirma with Viva and I’m very happy kasi feel at home ako and very welcome agad ako sa kanila.”
Si Kamille ay isa sa Housemtae sa PBB 737 noong 2015 na eventually ay napanalunan nina Jimboy Martin at Miho Nishida. Noong 2016 ay naging parte si Kamille ng all-female dance group na GirlTrends na napapanood regularly sa Kapamilya noontime variety show na It’s Showtime.
Siya ay nakalabas na sa pelikulang Unli Life na tinampukan ni Vhong Navarro.
Ano ang dream role niya? “Ang dream role ko po is kontrabida talaga and psycho na character,” sambit niya.
Inusisa rin namin kung sino ang mga iniidolo niyang artista. Sagot ni Kamille, “Idol ko pong artista is Jodi Sta. Maria and sa lalaki ay si Mon Confiado, dahil sa kanila mo po makikita ‘yung dedication bilang artista.”
Sakaling makatrabaho niya ang idol na sina Jodi at Mon sa isang project, ano ang mafi-feel niya?
“Diyos ko! Sobrang magiging masayang-masaya ako niyon, at the same time, mape-pressure dahil sobrang galing po nila and ako wala pa naman po akong napapatunayan sa showbiz,” wika ni Kamille.
ALAM MO NA!
ni Nonie Nicasio
